İmam Həsən Əskərinin (ə) mövludu mübarək olsun

Sabah rəbiül-sani ayının 8-i vəd edilmiş xilaskarın müjdəçisi olan İmam Həsən Əskərinin (ə) səadətli viladətinin ildönümü günüdür.

İmam Həsən Əskərinin (ə) mövludu mübarək olsun

yenivaxt.com saytı İQNA-nın məlumatına əsasən,xəbər verir ki, İmam Həsən Əskəri (ə) 232-ci hicri qəməri ili rəbiül-sani ayının 8-də Mədinə şəhərində dünyaya göz açdı.

Şiələrin 11-ci imamı İslam dini ilə bağlı şübhələrə qarşı qətiyyətli mübarizə apararaq, dinin mühafizə edilməsində ciddi səylər göstərib. O, İmam Zamanın (ə) imaməti dövründə müsəlmanların üzərinə düşən vəzifələri şərh edərək, onları sonuncu imamın qeybə çəkiləcəyi dövr üçün hazırlayıblar.

İmam Həsən Əskəri (ə) Quran-Məcidin misilsiz təfsirçisi idi və bu səmavi kitabın doğru şəkildə təfsir edilməsini insanlara öyrədərək, vəd olunmuş xilaskarın gəlişi barədə onlara müjdə vermiş və müsəlmanları İslamın ali məqsədlərinə çatmaq üzrə ümidvar etmişdir

İmam Həsən Əskərinin (ə) səadətli mövlud günü münasibəti ilə bütün dünya müsəlmanlarını təbrik edirik.