Çörəkotu yağının bilmədiyiniz FAYDALARI – Min bir dərdin dərmanı

Çörəkotu yağının bilmədiyiniz FAYDALARI – Min bir dərdin dərmanı
Min bir dərdə dəva olan çörək otu və ya qara zirə yağının faydalarını saymaqla bitmir. Sədəf, sızanaq və vitiligo kimi xəstəliklərin müalicəsində istifadə edilən çörək otu yağı  immunitet sistemini də gücləndirir. Bəs qara çörək otunun faydaları və zərərləri nədir? Çörəkotu yağı necə istifadə olunmalıdır?
Çörək otu yağı yerli Asiya olan Nigella Sativa bitkisindən əldə edilir. Bitki kiçik, qara, aypara şəkilli toxumlara malikdir. Bir çox sağlamlıq probleminin müalicəsində istifadə edilən çörəkotu yağı yeməklərə də ləzzət qatır.
 
Çörək otu yağının faydaları
 
- Min illərdir təbii dərman kimi istifadə olunan qara zirə yağı antioksidan və antiinflamatuar xüsusiyyətlərinə görə iltihabın müalicəsində kömək edir.
- Saç tökülməsini minimuma endirir və saçları uzadır - Arıqlamağa kömək edir.
- Tərkibindəki timokinon komponenti sayəsində ürək xəstəliklərinə səbəb olan homosistein nisbətini azaltdığı müşahidə edilib.
- Qışda soyuqdəymə və qrip kimi xəstəliklərin yaratdığı öskürəyə faydalıdır, bronxları təmizləyir.
- Oynaq ağrıları və revmatizm üçün faydalıdır. -Qəbizliyi aradan qaldırmağa kömək edir və hemoroid üçün müalicəvi təsir göstərir.
- Sinir, stres və depressiya kimi psixoloji narahatlıqlara yaxşı olan çörək otu yağı, yuxusuzluqda da istifadə olunur.
- İmmunitet sistemini gücləndirir, xəstəliklərə qarşı müqavimət göstərir.
- Bədəndəki toksinləri xaric edərək arıqlamağa kömək edir.
- Tərkibindəki komponentlər sayəsində xərçəng hüceyrələrinin inkişafının qarşısını alır.
-Çörək otu yağı zərərlidirmi?
-Ağız yolu ilə az miqdarda qəbul edilən çörək otu yağı zərərli deyil, əksinə bir çox insan üçün faydalı olduğu göstərilib. Lakin uzunmüddətli istifadə üçün təhlükəsiz olub-olmadığı barədə kifayət qədər məlumat yoxdur. Allergik qaşınmaya səbəb ola bilər.
-Bu yağ necə istifadə edilməlidir?
- Səhər yeməyindən əvvəl 1 çay qaşığı çörək otu yağı qəbul edə bilərsiniz. 1 çay qaşığı çörək otu yağımı birbaşa yeməyinizə əlavə edərək və ya içdiyiniz suya yaxud meyvə suyuna qarışdıraraq istehlak edə bilərsiniz.
Aygün Tahirqızı
Sherg.az